𠵱家啲Hi-Fi音響組合差唔多月月轉款，與其盲目追新型號，倒不如憑需要及音質，買部並非最新款的Hi-Fi來得慳錢又實用。最近旺角就有AV舖玩Hi-Fi大冧價，雖然店主話有部份Hi-Fi係陳列品先做咁平，但小記現場所見，全部機新淨率有九成以上，減價幅度更達五至六折，執平Hi-Fi是時候了！
記者：朱崇德 攝影：陳盛臣
雖然是年多前的機款，不過亦無減當年「部屋機王」之威風！3CD+MD的高容量設計，用嚟錄歌或聽歌都隨心所欲！強勁的50W音效輸出，就是現在的中型Hi-Fi亦望塵莫及，播歌時機面液晶體螢幕會有海豚游嚟游去，非常搞鬼；機身尺寸為555×180-290×201mm，感覺略嫌稍大，但在年多前卻是不折不扣的「部屋」Size！
此機憑藉機面有58種顏色變化，在AV界曾有「變色王」的美譽，新機落地未夠1年，除了一般的CD同收音機播放功能之外，連較新的功能MDLP2/MDLP4都全部玩齊！機身體積為445×200×249mm，由三個正方體組成，又型仔又慳位，現勁減至$1,580，真係好抵玩！
此機提倡Hi-Fi與生活品味相結合，最經典的誘人設計就是螢藍顯示屏，會自動隨機身直放或橫置調節橫、直顯示。基本的CD、MD及收音機功能樣樣有齊，總音效輸出有40W；型仔「食碟式」CD唱盤，加上金屬機面配仿桃木面喇叭，真係型到震！
因為YAMAHA將自己製作高級擴音機的技術下放至此機上，故在日本有ToP-ARTmini的稱號，勁Sell靚聲，機身用了高檔機款常用的電鍍金顏色。為了令音效輸出達至最完美境界，所以Amplifier、CD及MD唱盤，都是採用獨立機組，以全木製喇叭輸出，總輸出功率是40W，但音色勁靚兼層次分明，全膠製的機仔當然無得揮！
Pioneer呢部XDT9MDAmplifier、CD及MD唱盤都係採用高檔次的獨立分機式設計，最勁係對輸出功率達60W的全實木喇叭（估計約值$1,500），將高、中、低音分開三個獨立的喇叭仔作處理，音色當然靚好多。而且呢部Hi-Fi全由日本製造，質素當然有保證啦！
SANSUIC11的CD、MD同Amplifier都係使用獨立式設計，全木製喇叭輸出足有50W，相信就算二、三百呎客廳都應該好好炸，全高檔配置都只係$2,500，又慳錢又實際！
此機以$1,480呢個價錢，竟然可以玩齊MD、CD、收音機同錄音帶，現時新機真係好難有齊晒呢幾樣功能。最鬼馬係CD唱盤採用5碟式設計，想點轉歌轉碟都非常方便就手，唯一缺點係機身略大。
地址：旺角友誠商業大廈16字樓
電話：27891665