近年，豪華MPV市場嘅競爭愈嚟愈激烈，不少新車款相繼推出，以爭取更高嘅市場佔有率；而日本豐田車廠喺日前就推出咗新款嘅Alphard，除用以取代原有嘅Granvia車系外，並用嚟迎擊同級對手──日產Elgrand㖭。
從相片中可以睇到，全新Alphard極富肌肉感嘅車身線條，加上響闊大鬼面罩及大型頭燈襯托下，一股豪邁氣派盡在不言中；若加有一套原廠包圍及跑車合金軨，更能顯現出一點點活力來。車廂布局不但空間闊落實用，由高級真皮鑲嵌而成嘅真皮座椅，同埋車內嘅桃木裝飾，亦見氣派十足。設備配搭又見齊全，用落重好方便㖭！而新車則選用分別為2.4公升直4引擎（馬力159匹），同埋一台3.0公升V6偈（馬力220匹），用以驅動此車可謂綽綽有餘。未知香港各大水貨車行，有無興趣將之引入呢？