立法會議員陳智思噚日同天王劉德華，齊齊扮飛虎隊闖難關為公益金籌款。鏡頭前見兩名猛男連過七關，跨越高牆、斜坡、馬騮架、矮牆、隧道、繩架及繩網。Bernard（陳智思英文名）重揸吉普車，攞住長槍、扮到好型。
Bernard笑言，起初以為好輕鬆，但去到特種部隊訓練場，先發現要擒高擒低，加上要對住鏡頭，點好意思逐條逐條鐵通爬，好似烏龜咁慢？於是扮晒「Rumbo」（史泰龍飾演），結果成身傷晒，劉德華亦一樣掛彩。難得Bernard重好有幽默感，話自己做紀常會主席，今次真係切合呢個身份。Bernard話拍咗三個幾鐘，出街鏡頭只有兩分鐘，但為公益金籌到一百八十萬，辛苦啲都值。
傳真︰2623-9278
電郵︰