周潤發（發哥）與電影《美國處男》男角尚威廉史葛（SeannWilliamScott）合演的《刀槍不入一僧尼》（TheBulletproofMonk），發哥在片中飾演一位武功高強的行僧，他在片中與飾演終日在街頭遊蕩的青年尚威廉史葛有不少對手戲，發哥說：「第一次同阿Seann（尚威廉史葛）合作，呢個後生仔好搏命，有次同佢拍一場動作場面，佢拍拍吓竟然唞唔到氣，喺片場暈咗，後來我重介紹咗按摩師畀佢按摩。」
明年三月在美國上映的《刀》片，有不少動作場面，對已四十七歲的發哥而言，自然是一件苦差，他說：「我同老婆講，下次唔好再幫我接動作片，如果唔係，真係命都冇！因為我做一個武功高強嘅和尚，成日要顯露身手，如果唔係太危險嘅場面，我盡量會自己搞掂。」