每日睇潮流雜誌，你唔明點解要幾千蚊買件印花Tee，更唔明點解報紙雜誌講潮流就等於Crossover同限量；但美國佬似乎亦唔明，一向唔受呢套，潮流往往就等於Classic，咁RussellAthletic相信都係最經典的美國Tee之一，唔覺唔覺就百周年，近日佢哋大老闆又來香港宣傳，試問點可以唔同佢地講吓潮流講吓經典，不過最緊要都係：有乜搞作先？
記者：馮彥彰 攝影：楊錦文
話晒都一百周年，今次慶祝方法就有：100周年限量版Tee。今次RussellAthletic百年以來首次推出限量版，而且價錢唔貴，只賣兩百幾蚊。特色係用回首件RussellAthletic的Tee款，而且Logo及各Detail都做足，大家都唔會見過着過百年前嘅Tee款，相信都可以買番件，推出3款，每款只得一百件，據知有唔少水貨佬準備入貨，再放上去eBay賣。
大公司自然比較保守，做大老闆可能係老套怪唔識潮流，但老實講RussellAthletic又未至於咁老套，跟Daniel講潮流，由《StarWars》講到《蜘蛛俠》都對答如流，但講到Ape佢就冇嘢好講！至於百年RussellAthletic有乜新嘢會玩，答案係：冇，唔好諗會有鞋會有其他產品公仔Figure出，一句結尾，未有計劃，經典老牌都唔會作古，Fans着住佢哋啲Tee吧。
話晒都係首次復刻，相信首件RussellAthletic出時，冇乜人見過，設計方面，首件Tee在1902年出世，所以質料上較粗厚，但反加添了Vintage味，而當年印花技術唔太先進，呢三款復刻都跟足，當你洗多幾次時，個Print會走色！
RussellAthletic出名，除了大量美國NBA及運動隊都有穿着外，唔少得係有其質料佳、大美國主義及價錢平民化，喺歐洲日本都好受歡迎。而且Size有好多選擇，想買件當板衫着都得，窄身亦都冇問題！最經典係十年如一日的大Logo設計，服未？即刻睇睇有乜新貨。
RussellAthletic咁大間公司，有成百年歷史，當中大小事不可不識：最緊要係，當年RussellAthletic唔係做運動衫，而係女性內衣，係咪好笑呢！
1902年 創辦人BenjaminRussell26歲成立自己品牌，當時只是細公司，只有10架縫紉機，而做的也不是Tee，反而係女性內衣。
1914年 經過十多年努力，終於可以建立生產線，且開始生產Tee。
1938年 由於用料好及品質佳，唔少球隊都開始採用其品牌做運動服。
1985年 RussellAthletic在美國上市。
售賣點：銅鑼灣崇光百貨4樓（29636816）