在困難時期，要掌管整個特區政府財政，已經係巧婦難為！近來公務員減薪率又去唔到四點七五，呢排財爺阿松嘅壓力真係好大。唔好睇佢成支竹咁瘦，以為佢食乜都得，八方得知，原來阿松嘅膽固醇偏高，唔係，係超高先啱！
上咗京開會嘅阿松，前晚同一班傳媒朋友喺北京食填鴨，人人都大快朵頤，獨係佢就住就住，問佢點解食得咁小心，唔通想減肥？阿松話之前做銀行時，身體重好哋哋冇乜事，但係自從做咗財爺，一年以來，膽固醇就超出咗五點二五呢個標準，搞到𠵱家日日要定時食藥。點解？佢話：咪壓力大囉！
唉，無法啦，經濟咁差，社會壓力太大，樣樣開支都唔可以減，但又唔加得稅，僅靠以前積落嘅儲備頂住，奈何坐食山崩，做財神爺都係煩惱，希望阿松小心保重身體啦！
（圖）有多計記者趁住阿松坐火車由北京去濟南時，奉上印有霞女肖像嘅雪碧汽水，阿松一見，立刻甜過蜜糖，重哈哈大笑，話一早估到記者有此一着，然後任影唔嬲。
傳真︰2623-9278
電郵︰