近排天氣時陰時晴，樓市都差唔多，不過，唔理個市好定唔好，靠新盤搵食嘅地產代理，一樣喺各大新盤現場駐紮，除咗踏入慢慢煲階段嘅維景灣畔、蝶翠峰等，噚日九龍區多個地鐵站都見到手執傲雲峰宣傳資料嘅地產代理，而尖沙咀中心示範單位外，代理叫人入票之聲不絕，新世界何太話，噚日去巡視業務，在門外亦有代理叫佢入票。話時話，連半個老細都唔認得，個代理係太過投入，定少睇報紙或者認人差呢？
另外，據小道消息指出，噚日新盤現場又發生零星衝突，九龍區一新盤出現代理輕微爭執，新界西某新盤則連續兩單，其中一單比較搞笑，係參觀人士對代理出手，好似話係頂唔順個經紀太貼身，天時暑熱下在追逐間大家都大汗淋漓，參觀者一時㷫起上嚟就移動個經紀一野，搵食啫，唔使咁躁喎。
蘭西