世界盃就快開鑼，之前國際足協爆出貪污醜聞，而國際足協委託印世界盃門票嘅英國公司，又遲遲未出到波飛，令球迷急得如熱鍋上螞蟻。最近更有旅行社老闆話，如果網上買飛嘅波迷重未收到飛，就要小心受騙，網上買賣容易受騙嘛！
咦，科技大學社會科學系助理教授馬嶽之前訂過飛喎，咁佢收到飛未呢？八方打個電話問候吓佢，好在，佢已經收到飛。重話，未收飛之前都唔驚俾人呃，因為係喺個官方網頁訂飛嘅。
話時話，收咗飛梗係定啲啦！馬博士買咗葡萄牙隊套票，但係買唔到決賽飛，只係可以入場睇六場賽事，約六百美元（約港幣四千六百元）。
傳真︰2623-9278
電郵︰