雖然華航意外令到不少人不敢再乘搭華航班機，但陳慧琳（Kelly）卻未受影響，她昨日下午乘搭華航班機，由台灣高雄返港。昨日下午她在電視城為《萬眾同心公益金》節目綵排時說：「我知道件事（華航墜機）後，上機時心情都好沉重，其實，我搭乜嘢班機，都係睇時間上配唔配合，今日我上機，都有好多香港人搭呢班機吖。」
問Kelly會否帶護身符上機時，她說：「唔會，咁驚就唔搭啦，其實最驚嘅係啲飛行人員，因為佢哋成日飛嚟飛去。」
除了Kelly外，陳小春和張學友昨日亦分別從台灣和瀋陽返港，陳小春說：「我搭飛機寧願搭貴啲安全啲，我今日係搭國泰返嚟，我覺得呢間航空公司穩陣啲，華航以前我都有搭嘅，但𠵱家少啲，佢哋成日咁多意外發生，當局唔應該發牌畀佢哋。我記得有次搭遠東航空，點知未起飛，發現機上支避雷針俾雷劈中咗，穿咗個窿，於是叫我哋即刻落機。」
至於張學友亦表示甚少乘搭華航，而無論他乘搭甚麼航機，他一抵港即會打電話向家人報平安。
採訪：卓寶花
攝影：黃文偉、黃文成