上次去麗星郵輪，住海景露台客房，食盡船上中西越式美食，睇過紅磨坊最性感嘅表演，一睹被稱為中國夏威夷嘅三亞灣，本來心情應該輕鬆自在，但係諗到喺香港嘅工作壓力，屋企、朋友、供樓、前途問題，心情總係一沉，搞到自己咩度假心情都無晒，正當出去甲板吹吹風時，見到船隻已接近越南下龍灣，再由高處向下望，見到唔少舢舨駛到大船旁，佢哋通常都係一家人，女嘅抱住BB，男嘅就伸開雙手或者張開網撈。
原來每次呢隻郵輪到達港口時，都有呢類船家前來乞討，包括食物、衫褲鞋襪，總之由船上拋得到嘅佢哋都想要，唔好講佢哋呃遊客博同情，始終佢哋都係比較窮困嘅一群，再見到部份船客心存壞念，狠狠咁將手上已咬了口嘅蘋果擲下，目的似乎只係作弄一番之時，就更加覺得心酸，相比起自己，老套啲都要講句身在福中不知福。
記者、攝影：朱維達
四日三夜三亞?下龍灣之旅費用：$3,199（入住海景露台客房）
查詢：23177711（麗星郵輪）