大市有啲密雲，恒指上禮拜共跌347點，中電控股（002）則發揮佢避風股嘅本能，高收32.50元，5日共升40仙，跑贏大市。中電同其他公用股嘅特性，成日係咁，喺個市軟軟哋之時有表現，有機會上試去年7月高位33.50元。
中電估計升1元，3.1%升幅唔得吸引。不過，揸中電Call輪條數就唔同，兩隻Call輪9171同9183，都係負溢價兼槓桿率夠勁，升幅會跟足正股。
9171（9月到期）9月到期，現價34.5仙，負溢價2.1%，槓桿率9.4倍。正股下月初除季息38仙，扣埋息，9171都重係負溢價1%，非常抵買。正股升1元，揸9171有3分錢利潤落袋。
上禮拜五，華創（291）同中信泰富（267）兩隻老牌紅籌好硬淨，華創升30仙，中信漲15仙。華創已上破上次高位，中信則仍低65仙，可能會跑贏華創。
中信Call輪要望多兩眼，一向主角係9037同9160。𠵱家9160數據靚啲，9月到期，現價35仙，溢價得1.2%，而槓桿率就有5.1倍。
章 盛