當生活有點兒沉悶乏味嘅時候，最好嘅改變就係為家居加添一點生氣，小記最近就發現一間上樓嘅家品倉，以超筍價發售各式銀器及鋼製家品，大部份於印度廠製再出口到歐洲國家，無論用料同手工都屬高等貴價貨色，是次開倉全屬貨辦，所以各種貨色都係一件起兩件止，總貨量有成過千件，不少重低於半價，想以平價掃高檔家品就要把握良機啦！
記者：許穗齡 攝影：陳穎 ImageGirl：Tracy
喺屋企想HighTea一番，又點少得一套精美嘅茶具？今次家品開倉當中都有不少靚靚茶具，好似呢款茶具，全部都以不銹鋼鍍銀製成，茶壺以直坑紋作點綴，簡約高貴，襯埋杯同埋托盤，感覺夠晒英式，計埋一套都係$300左右，非常超值。
尺寸：盤9吋×7吋、茶壺7吋×4吋、杯3吋×3吋
市價：盤約$75、茶壺約$350、杯約$150
開倉價：盤$20、茶壺$199、杯$85
咪以為隔熱墊一塊塊無甚特別，今次開倉嘅合金鍍銀隔熱墊就非常有新意，有成個茶壺形嘅隔熱墊，中間重寫住一個「TEA」字，另外重有一款如刀、叉、匙嘅圖樣，造型得意，𠵱家$85一個，放喺屋企當裝飾品都唔錯。
尺寸：約8吋×7吋
市價：約$150
開倉價：$85
如果你有插花嘅習慣，就千祈咪錯過今次開倉，事關倉內都有不少銀花樽以超筍價發售，好似呢款以梯形設計的闊身花樽，以鋼製再鍍上一層銀面，花樽面有如布滿一個個細小的凹痕，款式簡單中見不平凡，𠵱家以低於半價發售，值得一看。
尺寸：8吋×10吋
市價：約$699
開倉價：$299
其實全場都有為數唔少嘅燭台以開倉超筍價發售，大部份一睇就知係貴價貨色，喺咁多款產品當中，ModelTracy就最欣賞呢個以寶藍色珠鏈製成嘅燭台，再襯一個合金鍍銀腳架，都只不過係$270，店舖負責人話出面大百貨公司起碼售兩倍以上嘅價錢，絕對係超筍價。
尺寸：高17吋
市價：罩約$320、架約$299
開倉價：罩$120、架$150
小記自己非常鍾意呢個好似成棵樹嘅燭台，樹身以生鐵人手扭製而成，形態生動，加埋唔同顏色嘅玻璃及14個茶色玻璃杯，整個造型有如一盆盆景，相信點着所有蠟燭後必定更靚更有氣氛，開倉價由$1,500冧至$799，足足平咗$700。
尺寸：24吋×28吋
市價：約$1,500
開倉價：$799
呢款燭台同中秋節玩嘅燈籠款式並無大分別，不過整個設計就充滿異國色彩，以麻布製加上金色菱形繡花圖案作點綴，上下蓋則以通花銅片製，再加上蓋邊的啡色膠珠，當裝飾品咁吊喺屋企都非常有風味。
尺寸：直徑6吋、高5吋
市價：約$299
開倉價：$89
印度家品大多以鐵製，好似呢款燭燈，外形就以扭鐵製造，燭燈的座地架也是以鐵扭出旋渦形而成，既獨特又充滿線條美。其橙黃色的燈罩則以玻璃製造，以勾掛式掛於架上，充滿原始簡約味道。
尺寸：高16吋
市價：約$320
開倉價：$150
鋼製家品其實喺歐洲一直都非常流行，不過香港就較少地方有得買，就算有價錢都偏貴，不過今次開倉都有不少鐵製用品，好似呢款座枱鐘，以生鐵及鋼片製成，外形設計成一組打鼓樂器般，款式獨特，都幾搞笑。
尺寸：6.5吋×9吋
市價：約$550
開倉價：$285
開倉貨品大部份是由印度廠製，不過其實有小量是其他東南亞國家入口，好似呢款椰殼形嘅座枱燈，就係由泰國製造。木製椰殼燈外形趣致，加埋木製三腳架，感覺非常原始。
尺寸：高13吋
市價：約$450
開倉價：$250
日期：即日起至6月23日
時間：星期一至六10:00am-7:00pm、星期日及公眾假期休息
地址：觀塘偉業街136號永發隆工業大廈4樓
查詢電話：25222789