無綫新遊戲《一觸即發》昨日舉行公開筆試，日前有自稱民建聯的成員批評《一》對社會有負面影響，主持黃子華昨日回應：「連呢啲係遊戲都唔明白，等我同佢上番幾堂。」
無綫節目《一觸即發》昨日於葵芳新都會廣場舉行筆試兼簽名會，節目主持黃子華親自到場監考外，更即場為參加者簽名。
昨日有報道指一位自稱「民建聯」成員的人士，批評《一觸即發》的遊戲方式殘忍，更認為此種玩法似「絞刑至死」，對現今自殺風氣有負面影響。子華聽後語帶激動地說：「𠵱家呢個社會就係因為呢啲人，鍾意小事化大，連呢啲係遊戲都唔明白，最好叫佢打電話畀我，等我同佢上番幾堂。我玩呢個遊戲都有口號『一觸即發，為你減壓』，而且玩遊戲一定有競爭，佢簡直係誤導人，我都想佢上嚟玩吓，民建聯點會有啲水準咁低嘅人。除咗話佢小事化大，重係輕事化重。」
另外，現場一位參加者劉先生要求子華讓他高歌一曲，子華將咪遞上後，劉先生拿着咪唱：「TVB萬歲，TVB多啲叻仔，靠雙手自立一定做得show（sure）win，黃子華好嘢，余樂天萬歲！」弄得子華忍俊不禁。
現場有數名女fans排隊要求子華簽名，更送上一個結他裝飾品給他。當有一對四歲孖仔索取簽名時，子華笑言：「Twins都係我fans。」
採訪，攝影：卓美娟