民航處前處長樂鞏南自日前華航客機空難後，成了各大報章爭相訪問的航空專家。他入職民航處三十年，經他手處理過的民航事故，多不勝數，當中令他感到最驚心動魄的，並非全機無人生還的恐怖空難，而是九三年華航一架波音七四七客機，降落啓德機場後滑出跑道、導致二十三名乘客受傷的意外。
「當時，消防人員將機上二百九十六位乘客救上岸後，一位媽媽突然高叫：唔見咗嗰BB！」樂鞏南是那時的民航處處長，大夥兒聽到這位媽媽的呼叫聲，都嚇了一跳，「冇理由救咗全部大人，單單救唔到一個小朋友。」於是總動員再進入機艙搜索，幸好證實是虛驚一場。「原來嗰位媽媽驚到唔記得自己一早將BB交畀消防員帶到安全地方。」
樂鞏南從小是「飛機癡」，認為飛機的形狀「好靚！」年輕時碰巧民航處招聘見習航空交通管制員，於是投考。「當時有三份政府工等住我，一份係房屋署、一份係羅富國師範，結果我揀咗人工最少嘅民航處。」
雖然航空事故頻頻，但他堅持飛機是最安全的交通工具。「車壞咗，可以泊埋一邊等人修理；飛機壞咗，就會跌落嚟。不過，因為車禍死亡嘅人，多過因為飛機失事死亡嘅人好多好多倍。」
樂鞏南現時是三間上市公司的獨立董事，工作離不開航空事務，每天要翻閱大量航空雜誌及書籍，「呢個根本係我嘅娛樂，寓工作於娛樂，幾咁健康！」
記者：譚暉