澳洲Australia
正當世盃風熾熱得已開始令人唞唔過氣之際，世界另一個角落澳洲就好似樂得清靜。當地人照舊懂得如何享受假期，享受人生，雖已入秋，但工作日以外，你鮮見珀斯市中心會有熙來攘往嘅人群，因為佢哋唔係返屋企享受天倫樂，就係揸車出外享受郊野樂，所以我都學吓佢哋，去到離珀斯約一小時船程嘅羅倫斯島RottnestIsland，順道散散心。
記者、攝影：朱維達 鳴謝：金怡假期
羅倫斯島係一個只有180個原居民，有一間只得21個學生嘅小學同3位警察，而供遊客入住的房間便多達4,500位，不過喺未介紹羅倫斯島點靚之前，一定要先講吓有關嘅Package，因為即使有成4,500個位，單是應付本地遊客已經經常爆滿，所以若果你諗住喺島上住番一兩晚，一定要早啲問定重有無位剩。一般愈近碼頭嘅房間房租就會愈貴，不過都俾我搵到間公司啱啱做緊Promote，一晚WinterGetawayPackage連早餐、入住碼頭附近房間只係110澳元（約463港元），比其他公司平約40澳元。
房租：雙人房DeluxeRoom每人價錢：110澳元（約463港元），以上費用包括船費、早餐、HouseWine，必須於早上10點Checkout。
查詢：（61）8-92925161
網址：
去RottnestIsland可由珀斯碼頭上船，經過Fremantle西往小島，船程約須1小時，一般可以喺碼頭購買來回船票，或買個RottnestDayPackages包來回船票、MorningTea、兩小時巴士團及自助午餐，價錢95-105澳元（約400-442港元）。
夏天嘅羅倫斯島「滿載」比堅尼女士，但入秋嘅羅倫斯同樣有她美嘅地方。眼見啲水上活動會係租遊船出海嚟個深海釣魚，或是租張大浮床歎吓日光浴。不過當地人嚟到通常都會做兩樣嘢，一就係租架單車遊全島，原來羅倫斯唔止係碼頭附近嘅餐廳、海灘同小型酒店風光一絕，踩單車遊島同樣正斗，先喺碼頭附近嘅BikeHire租架單車（一日15-34澳元，再加25澳元Deposit），再去VisitorandInformationCentre攞番張地圖，跟住去超市買番樽水，然後沿馬路上山，唔使驚會迷路，因為望住個地圖亦只會得一條MainRoad，基本上你唔停咁踩，約三個鐘頭就可以輕鬆遊島一周。最重要嘅係沿路風景，唔再係城門河景，換嚟嘅係一望無際嘅印度洋、群山峭壁，加上海風吹拂，若果隔籬再嚟一個愛人相伴，何其幸福！
查詢：（61）8-94215888（BoatTorqueCruisesPtyLtd）
地址：Pier4,BarrackStreetJetty
不過我都老啦，揹住咁重嘅相機同資料都係參加個BusTour印印腳睇風景好。基本上任何巴士團所行經的行程都會概括島上景點，而且司機會兼任導遊，途中會一路揸車一路講解各景點的特色同歷史，其中WadjemupLighthouse係全島最高之地（其實燈塔連山嶺亦只得80米），你可以落車參觀，途中亦可看到因風化、海水浸蝕而帶來嘅古怪巖壁奇景，如果好彩的話，你更有機會喺島上陰暗處發現袋鼠同老鼠嘅混合體──可愛小Quokka。
建議呢次RottnestIsland行程可安排用兩日一夜時間，你可以先輕輕鬆鬆於第一日遊島，返回碼頭附近住一晚，第二朝到海邊餐廳如Dome食吓嘢、吹吹海風，嫌悶嘅再租船出海，其實已經好足夠，不過無論你點Plan，記住唔好Miss咗返回珀斯最後一班4:00p.m船呀！
收費：15澳元（約63港元）
查詢：碼頭附近即有一間VisitorandInformationCentre，內裏有齊各種旅遊資料可供參考，電話：（61）8-93729752
簽證： 持BNO、特區護照或CI者遊澳洲均須簽證。查詢：28278881（澳洲領事館）
旅行團： 可參加五日四夜珀斯團，費用$3,990。電話：28041188（金怡假期）
氣溫： 9℃-20℃