好想媽咪知道，其實我最鍾意着布鞋仔，質料又柔軟又透氣，着到我隻嫩滑腳仔好舒服。前幾日媽咪同我行街街，見到櫥窗啲布鞋仔款多又有型，真係好想媽咪每款都買一對畀我，等我今個夏天可以輪住慢慢着！
記者：區佩嫦 攝影：楊錦文 ImageGirl：采霖
全對涼鞋用上具彈性的尼龍布製成，鬆緊度隨腳形而定，配合鞋墊上的防滑膠粒，穿着容易又夠晒舒服貼腳。除粉藍色配黃色外，另有深藍色配草綠色任你選擇。
講到得意，小記就推介這對露趾涼鞋仔，顏色鮮豔之餘，鞋面上嘅哈哈笑公仔就最搶眼。涼鞋用通窿嘅尼龍布製成，質地舒服透氣度高。鞋身除咗黃色，重有粉紅色同粉藍色，顏色夠中性，仔仔囡囡都啱着。
夏天當然要為小朋友添置一對涼鞋，這對涼鞋合你心水嗎？全對鞋用粉紅色的棉布製成，鞋面及扣均用上可調校的魔術貼，可根據小朋友腳部的大小而調校，夠晒方便，配上鞋身的繡花，小妹妹襯上短裙仔，特別趣致可愛。
這對以花為主的布鞋仔，較適合初生的BB穿着，全對鞋以白色為主，鞋頭位則有釘了珠片的繡花圖案，外層的布料配上內櫳的毛巾質料，柔軟又吸汗，即使小妹妹未識行，着上腳都份外醒神。
另一對以花為主，又深得小記歡心的便是這對白鞋仔，鞋身綑上具立體感的紅白花喱士，令鞋仔添上奪目的色彩，而小記最欣賞是其鞋墊亦滿布花花圖案，加埋鞋底的防跣膠粒，有外在美又有內在美。
今年大熱花花Pattern，連小朋友嘅鞋都以花為主，好似呢對ELLE嘅布鞋仔，用粉黃色棉布做，顏色柔和易襯，鞋頭及鞋扣位置則有閃令令的繡花圖案，簡潔中見心思，小妹妹穿着後份外可愛。
這對大鳥布鞋仔，鞋身布滿櫻桃圖案，鞋面綑上白色的喱士，最啱一身淑女打扮的B女。鞋嘅內櫳為柔軟的毛巾質料，舒服又吸汗，配上魔術帶扣及防滑鞋底，小妹妹着得舒服又唔怕跣親。
牛仔布的衣物最易襯衫，想小朋友一身牛仔打扮，毋忘為雙腳添上一對別致的牛仔布鞋。這對小鞋子選用淺色的牛仔布，不過小記最愛莫如珍珠粉紅色的鞋頭，與魔術貼扣上的小花襯到絕一絕。
BB鞋往往以高筒設計來保護BB的腳踝，好似這對MiniK的牛仔布鞋仔，外表以綁帶設計，鞋帶實則只是點綴品，因為鞋帶旁有小拉鏈，只要拉開拉鏈便可以穿着，媽咪唔使成日煩住要幫BB綁鞋帶，夠晒方便。
Nike（28955668）
銅鑼灣軒尼詩道JumboSogo四樓專櫃
mothercare（27355738）
尖沙嘴海運大廈137號舖
HoneyB（25060913）
銅鑼灣時代廣場903號舖
Toonsland（26289138）
旺角新世紀廣場517至518號舖