警隊近期風雨不絕，曾一哥頻頻上鏡；相比於曾一哥，前任一哥許淇安就由絢爛歸於平淡，退休年幾以來一直低調，噚日首次亮相開咪，以足總副主席身份接受電台訪問。佢話退休後生活優哉游哉，行山晨運兼打高爾夫，佢重笑笑口講「以前坐一號（車牌）私家車，𠵱家坐一號巴士。」重話俾市民見到佢迫巴士，問佢：「你都坐巴士？」
講番任內最難忘嘅事，許Sir話係回歸慶典，要令兩個老細都滿意，要係有啲技巧。至於當年喺政治部時，有關六七暴動對付同胞嘅感覺，係咪「人在江湖，身不由己」，佢諗咗一陣話：「你可以咁講。」
鍾意唱Ｋ嘅許Sir重點咗兩首歌，分別係佢嘅飲歌──黎明嘅《哪有一天不想你》，同埋譚校長同佢合唱過嘅《忘不了你》。
傳真︰2623-9278
電郵︰