黎明(Leon)昨日為公益金「全民認捐十元大行動」四出探訪,除到籠屋探訪及到馬術學校教騎馬,Leon還到育嬰園餵一歲多的小朋友吃飯,他指現在的小朋友真的很幸福,自己幼時在北京也只是住在貧民區。
黎明(Leon)昨日為公益金「全民認捐十元大行動」,到本港三個地方進行探訪,先到深水埗白田邨的救世軍育嬰園,再到觀塘探訪籠屋居民,最後到「鯉魚門渡假村公眾騎術學校」帶領十多位輕度智障的小朋友學騎馬。
Leon初到育嬰園探訪時,被一班只得一歲多的小朋友搞到束手無策,因為大部份小朋友都未懂講說話,Leon與他們溝通有困難但他仍努力地逗小朋友開心。在餵小朋友食飯時,Leon更幫他們抹手,他說:「我細個邊有咁幸福㗎?我好似佢哋咁細個嘅時候都係自己搞掂咋,𠵱家啲小朋友真係好幸福。」
其間,有一位小朋友欲添食,Leon忍不住的上前阻止說:「小朋友唔使食咁多,佢食唔到㗎!」說罷即從老師手中搶去那碗飯,十分搞笑。
接着Leon到觀塘探訪籠屋居民,除參觀廁所,又與居民傾談,其中一位婆婆更是他的fans。Leon說:「我以前喺北京都係住喺呢啲地方,呢啲廁所我都用過,重有啲火水爐我都識用呀!」
最後一站,Leon到騎術學校教一班輕度智障的小朋友騎馬,這班小朋友甫見Leon便很開心,即時上前攬着他及和他握手。
此外,Leon昨晚六時多到無綫電視城為今晚播出的《萬眾同心公益金》綵排,但該節目監製何小慧說:「係咪搞錯咗呀?我冇收到通知喎,如果佢係要綵排,十幾二十分鐘都抽到畀佢嘅。」
Leon到達電視城後說:「綵排係必然嘅事,我自己係主人家之一,係公益金籌劃委員會會員。」問到劉德華會表演危險項目,Leon怕不怕被搶風頭?他說:「搶多啲善款最好,你要明白我黎明今日喺乜位置,做緊乜嘢。」採訪、攝影:胡比、卓寶花