中五會考對許多莘莘學子來說，是讀書和人生上最重要的一關，但一次考試不足以論成敗，問題是有沒有學習的心。25歲的羅振威（Matthew）亦曾遭遇會考成績不理想的挫折，幸好憑着孜孜不倦的學習態度，又重讀又公餘進修，今日已晉升為高級網絡程式設計員（SeniorWebProgrammer）。雖然讀書道路並不平坦，但從中磨練出來的毅力，才是最大的得着。
記者：周麗懿 攝影：周旭文
姓名：羅振威（Matthew）
年齡：25歲
現職：SeniorWebProgrammer（高級網絡程式設計員）
98年：會考後修讀李惠利工業學院電子及通訊工程文憑，2個月後退學
99年：完成香港專業教育學院青衣分校（IVE）的軟件工程高級文憑
01年中至02年3月：軟硬體網絡專才文憑
軟硬體認可網絡專才文憑課程
內容：CompTIANetwork+網絡基礎課程、微軟MCSA+MCSE網絡工程師、CiscoCCNA+CCDA網絡工程師、IBM&Intele-Commerce電子商貿概論等。學生可在校內學習Windows2000網絡管理技巧，增加實戰經驗。
出路：系統操作員、高級技術支援、系統管理員、網絡工程師等。
學費：為期204小時，全期學費：$14,800（日間）、$19,800（夜間）
截止報名日期：2002年6月10日
查詢電話：21361234
問Matthew的讀書經歷，他笑笑口說：「都幾崎嶇。」中學期間鍾意玩，會考成績不理想，英文科更不及格，成為升學的最大阻力，無選擇下，惟有重讀。重讀後報讀當時的李惠利工業學院的電子及通訊工程文憑，可惜不夠兩個月，便發現自己對底板電線這些東西毫無興趣，於是毅然退學，再的起心肝，考多一次會考英文，翌年成功入讀到IVE的軟件工程高級文憑，「嗰時班裏面絕大部份都係中七畢業生，我幾乎係全班最低成績嗰五、六個人。雖然讀HighDip（高級文憑）都幾吃力，不過就讀得好開心。」揀對了路，加上畢業之際正是網站最興旺之年，所以搵工並不困難，而Matthew的第一份工就是當WebProgrammer。
可惜網站熱潮只是「曇花一現」，一班曾經好吃香的I.T.人，亦首當其衝。「畢業嗰時啲同學搵工，真係開咩價錢，啲人都會請，後來聽聞唔少同學都被裁員，令我意識到呢行已經進入汰弱留強嘅階段，唔進修唔得，所以就開始搵啲Course報嚟讀，考番張Cert始終都係有保障。」當時已轉過好幾份工的Matthew，希望可以增進網絡方面的知識，於是就報讀了軟硬體網絡專才文憑，才知自己這方面的知識不夠全面，「未讀之前，以為自己識好多，但係上到第二堂，就發現自己好多嘢都唔識。MCSE嗰Part（微軟MCSA+MCSE網絡工程師）係好有用，好多大小公司都用緊，攞住呢張Cert唔代表你好叻，但就可以證明到你識，喺工作上最有用。」
Matthew覺得網絡專才文憑課程頗實用，令他在工作上立即有發揮的機會，「讀咗無耐，有次幫公司做一項工作，由於啱啱有教到相關嘅嘢，我就同公司提議了解決方案，即時幫公司慳到錢。」能夠幫公司節流，老闆當然有眼見，所以讀書期間，老闆都盡量作出遷就，「有時知你要返學，都會放你走唔使OT，都算唔錯啦。」Matthew認為讀書不算好辛苦，不過丁點的犧牲在所難免，「讀緊書冇乜錢去旅行，最唔慣嘅係星期二要上堂，唔可以享受睇平價戲。」不過犧牲並沒有白費，今年四月，剛剛完成課程一個月後的Matthew，立即被公司晉升為SeniorWebProgrammer，對他來說是一個極大的鼓舞。
Matthew正計劃報讀其他課程，幫助自己更上一層樓。「如果再讀，一啲電腦嘅新產品或者新課程會優先考慮，不過自己就希望讀番個Degree，雖然我唔覺得有Degree嘅人好叻，不過既然呢個社會需要有呢樣嘢，咁我為咗生存，都希望可以讀到。」而Matthew最希望的就是讀一些Account和英文課程，「讀Account係幫助我寫Programme，因為電腦係為咗減低做嘢嘅Workload，所以清楚用家嘅需要，寫出嚟嘅Programme先會更啱用，而讀英文係幫助我Present，如果第日有機會再上，用英文嘅機會都會多咗，英文亦唔能夠太差。」