新近在歐洲市場推出嘅平治Vaneo，憑住佢實用多變嘅車廂布局而深受車迷歡迎；最近廠方更為Vaneo推出全新嘅的士版，用以爭取更高嘅市場佔有率。
呢款的士版本嘅Vaneo，外形與原來嘅Vaneo相近，沒有作出改動，並在車頂加裝「TAXI」燈箱；而趟門設計及開啟幅度甚大嘅尾門，亦能讓乘客喺進出車廂或提存行李時，增添不少方便。另一方面，Vaneo的士版嘅車廂又見寬敞闊落，就算車上載滿五名乘客，仍然有頗大嘅尾廂容量，咁就算擺幾多件行李都無有怕啦。
然而，兩台輸出分別係75匹及91匹馬力嘅柴油引擎，加上前輪驅動布局，操控真係既容易又輕鬆㗎！可惜現時進口香港嘅新的士，都要以石油氣作驅動燃料，故此呢部以柴油作主要燃料嘅Vaneo的士，抵港嘅機會可謂微乎其微喇！