徐濠縈前晚在中環出席Keeclub的一個派對，大批記者追問她有關好友謝霆鋒的戀情。
問到霆鋒有否出席緋聞女友張栢芝的生日會時，徐濠縈笑說：「我唔知道，霆鋒揸我架MiniCooper都係想避開你哋（記者），其實佢揸我架車都冇乜用，因為架車馬力好細，所以車速好慢。霆鋒只不過係細路仔，你哋唔好講到佢好似危險車手咁。」
霆鋒日前之所以駕駛徐濠縈的MiniCooper，原因是當晚霆鋒所有座駕的車匙均在助手身上，而徐濠縈剛巧不需駕車，所以陳奕迅才將女友的車子借給霆鋒。徐濠縈笑說：「其實霆鋒只要日日用租車服務公司嘅車就得啦，每日唔同車咪自然可以避過狗仔隊囉！」
此外，霆鋒昨晚到灣仔會展出席新城音樂會，並唱了一首英文歌，現場觀眾反應熱烈。而霆鋒的父親謝賢昨日則通知記者今日會在金鐘港麗酒店舉行記者會，至於所為何事，他昨日在電話中說：「聽日（即今日）大家嚟咪知囉。」