驚恐症不但入侵特區十二萬人口，驚恐症更有可能全球化，令全人類神經衰弱黐晒線。我不是危言聳聽，只要細心觀察個別人士，會有驚人發現。
日本首相小泉純一郎不敢搬入鬧鬼的舊首相府，堅決另建新官邸。終日恐懼貞子纏身的小泉，入主新首相府以後還是驚驚青青，晚晚發噩夢，害怕自己一把秀髮忽然變成掃把頭！所以才會年年去靖國神社參拜，祈求禿頭的東條英機，別找他鬼上身！
美國總統小布殊至驚揭日曆，因為年年都有九月十一。但講到最驚恐，都係擔心左撇子的拉登，有可能得自老布殊遺傳。老布殊做CＩA頭頭時，奉旨風流嘛。小布殊又唔可以驗DNA鑑證，你話，唔驚到腎虧都幾難！
逢凶化吉的占士邦唔驚死，但最驚老。老人家跟邦女郎親暱以baby相呼時，會令占士邦成身標冷汗，想轉行打劫銀行！
蜘蛛俠最驚由紐約家鄉，放洋到大陸搵食。失業率創新高，謀事艱難，蜘蛛俠未必爭贏新精英，沒機會外派上海，流落大西北就慘情咯。除了餐餐沙塵暴送飯，邊有高樓大廈擒來擒去！
哈利波特最驚隱形眼鏡！巫術到家的他恐懼被人捉去做激光矯視手術，壞了他的四眼招牌，那末，跟「魔戒」那個哈比族矮仔有乜分別！