新聞處下周初可能要加強保安，八方聽聞女處長蔡瑩璧已經廣發英雄帖，搞咗個紅酒大會，同新聞處高層齊齊品嘗紅酒，曾經喺新聞處前前後後工作過嘅AO，都在受邀之列。有官場酒鬼同八方講，類似聚會係前處長湯馬士陳搞開嘅，蔡瑩璧是AO中著名女中豪傑，酒量驚人，飲紅酒好似飲礦泉水，入主新聞處後最擁護呢個前朝舊政。
官場酒鬼話，各人事前科款，買入大批靚酒。眾人先飲質素稍次貨色，然後逐步逐步升級。酒鬼話呢個係考驗大家酒量嘅時刻，如果酒量稍差者，就無緣品嘗最頂級嘅極品喇！
八方聞到酒香就口水流，但官場酒鬼就耍手擰頭，點都唔肯帶八方入場。皆因酒過三巡，眾高官難免胡言亂語，國家機密滿場飛，佢哋點敢冒險！
傳真︰2623-9278
電郵︰