董特首公關大員譚羅南華（EllaTam）𠵱家放大假，飛咗去英國探仔，八方聽聞佢返嚟後喺特首辦做多約一百日，九月份就要調返新聞處總部做署理副處長。新聞處頭頭現時仍未敲定調邊個到特首辦代替Ella服侍阿爺。
兩個有機會調到特首辦嘅助理處長，一個係正與Ella競逐副處長之位嘅麥國華，麥兄正係新聞處專責處理飛龍標誌嘅大員；另一個就係即將升正做助理處長嘅梁黎艷明（MaryLeung），Mary過去幾年都喺保安局跟葉劉淑儀，對於點扭轉高官形象有豐富嘅實戰經驗。
雖云跟住大老闆最有表現機會，但官場戲言，無論麥兄抑或Mary上位，都係「贏咗得餐笑，輸咗唔使㷫。」點解？大概係人都明，幫老董搞公關係幾咁令人有挫折感！
傳真︰2623-9278
電郵︰