【本報訊】世界盃決賽周勢必掀起港人睇波熱潮，有基督教會為免青少年在觀賞賽事時沾染煙、酒和賭波等惡習，在世界盃期間舉辦一個四無「無賭、無煙、無酒、無粗口」，兼且小食、汽水、入場和歡笑一律免費的另類睇波中心，在二千平方呎的會場內用一百吋投影電視機直播世界盃賽事，更邀請本港甲組本地及外援球星即場分析賽果。
九龍城浸信會將於本月三十一日至下月三十日世界盃決賽周期間，舉辦該個費用全免的世界盃「另類睇波會」，暫定會直播約三十場賽事，歡迎任何人參加，毋須報名。該會傳道人葉曉雲表示：「足球係健康嘅運動，唔應該同煙、酒、賭博、粗口扯上關係，但係好多後生仔𠵱家興去酒吧睇波，好易受到荼毒。」所以，教會提供一個「潔淨」的睇波場地。
該會明日下午二時將率先舉行一個名為「暢談世界盃足球」的開幕儀式，並直播英格蘭隊對喀麥隆的熱身賽，屆時也會有免費小食和飲品，還請來一班本身是基督徒的本地甲組足球員做賽後分享，以及與球迷分析世界盃形勢，包括花花的金判坤、南華的譚偉國、澎馬流浪的哥連斯和安尼頓。
葉曉雲表示，睇波中心已安裝一部一百吋投影機電視播放賽事，場地最多可容納一百二十名觀眾，「我哋已經廣派宣傳單張，主要畀九龍城區嘅街坊嚟睇，暫時唔需要報名，等搞完第一場，睇吓人數先決定需唔需要預先報名。」