近期最威水嘅窩輪，係城電公司輪940。城電（1137）派半年成績表後，4日內由1.22元彈上1.65元，升幅35%，940就由77仙飛上1.18元，升幅53%，但升幅亦只係正股升幅1.5倍，爆炸力有限。
爆炸力有限，係因為槓桿率唔夠勁，輪價同股價齊升之後，槓桿率更細，爆炸力又縮多一縮，溢價冇埋。940好長壽，04年11月到期，負溢價4.2%，槓桿率1.4倍。有負溢價，即係低水，係反映正股近期累積升幅好大，恐怕會有調整，同時槓桿率又太細。如果買輪去exercise，變作新股，慳幾個仙，未必着數，城電1日嘅波幅，隨時多過幾個仙。貪低水揸隻940，唔係一定着數。
恒地（012）跑贏其他大隻地產股，收35.80元，升50仙，升幅1.4%。恒地Call輪9264因此打入龍虎榜，排第10。
9264今年10月到期，現價24.7仙，溢價11.6%，槓桿率14.5倍，追唔過。
恒地上升，其他地產股可能亦會跟隨，長實Call輪9063同新地Call輪9115，靚過9264好多。 章盛