周星馳和趙薇前晚在日本出席《少林足球》的試映會，全場一千個座位全部滿座，星爺和趙薇互送高帽，星爺更即時表明心迹，稱《少》續集仍然會用趙薇做女主角。 特約記者森林檎東京直擊
電影《少林足球》將於下月一日在日本正式上映，前晚周星馳和三位師兄弟林子聰、田啟文、陳國坤、趙薇和徐若瑄出席在日本涉谷東急戲院五樓舉行的試映會，全場一千個座位全部滿座，反應不俗。星爺一上台即用日文向觀眾打招呼和自我介紹，𠱁得觀眾好開心。
星爺稱《少》是他拍得最辛苦，同時亦是給他最大成功感的電影，而日本更用《少》片在去年香港票房打低《哈利波特》作為宣傳的賣點。星爺和趙薇在台上互送高帽，星爺說：「我一向覺得趙薇有潛質，所以《少林足球》拍續集我已經決定咗會再搵趙薇拍。」而趙薇則用國語說：「我未拍這套戲之前已經知道周星馳是一個很有才華的導演。」之後兩人更在台上握手。
而徐若瑄則上台獻花給星爺，並說：「我六年前識周星馳，雖然未拍過佢嘅戲，但係睇就睇好多，我非常鍾意佢嘅電影。其實周星馳唔鍾意人哋讚佢風趣幽默，反而鍾意人讚佢有型，所以你哋以後見到佢，記住讚佢有型喇！」
星爺就講述和徐若瑄的相識經過，他說：「我幾年前搭飛機，見到有一個女仔一路望住窗外，我問佢喺度睇乜，佢答我話望出面嘅彩虹，呢個女仔就係徐若瑄，佢係第一個話畀我聽喺飛機窗望彩虹嘅人。」司儀問星爺對世界盃的睇法，星爺識做地說：「我都好留意世界盃，遲啲我會去韓國同日本睇波，我特別支持中國隊同日本隊，日本隊喺亞洲嚟講，係實力好強嘅球隊。」
而昨日下午，星爺和師兄弟、趙薇等去了富士電視台的午間節目《笑吓無妨啦》節目亮相宣傳《少》片。