梁詠琪（GiGi）本周日罕有地現身旺角行人專用區，原來GiGi到該處視察新唱片的銷售情況，並邀請一班工作人員到卡拉OK消遣。GiGi的出現，引來過百名市民圍觀，她更不時被人踩中褲腳，幾乎動彈不得。
已有八年沒有到過旺角的梁詠琪（GiGi），本周日在旺角鬧市街頭出現，引來過百市民圍觀，原來GiGi剛出席完新世紀廣場舉行的一個活動後，專誠到旺角的唱片店視察一下新大碟的銷售情況，她還親自買下五隻自己的唱片。
唱片舖的老闆向GiGi透露，她的唱片銷量相當不俗，而就現場所見，有數名fans更立即買下偶像的大碟以示支持，令GiGi非常開心。
及後，GiGi決定步行至旺角的一間卡拉OK，與一眾工作人員耍樂。只見沿途有大批市民圍觀，更擠滿了整條馬路，場面十分熱鬧。在場市民見到GiGi於旺角出現，顯得十分驚訝，部份就表現得頗為雀躍，不時高呼她的名字。而GiGi的fans有見及此便充當護衞，護送她到目的地。
GiGi表示上一次到旺角已經是八年前的事，故當日特別抽空到該處一遊，她說：「我見到咁多人都有少少驚訝，頭先好迫人，而且啲人係咁踩住我條褲，搞到我行唔郁。我都唔知道呢度已經封咗路，兼且變咗行人專用區，真係覺得好出奇呀。」
GiGi續說：「我讀書時嚟過旺角學琴，而且重會去信和買漫畫，又或者會陪媽咪去睇金魚。所以今次係我入行以嚟，第一次行旺角，嗰種感覺都幾得意同新鮮。」
當GiGi到達卡拉OK後，便急不及待點唱自己演唱會的歌曲，她解釋說：「我想回憶番當時嘅片段，睇睇吓都開始有啲激動，特別係睇到自己個喊樣，我會叫自己下次唔可以再成日喊咁肉酸。不過我都有成三年冇去過卡拉OK，今次我都係為咗答謝班工作人員，咁落力為我隻新碟做宣傳。」
採訪：李珮洳 攝影：黃文成