Apple姐日記：
趙式芝平民Look禾稈冚珍珠

我Apple姐幾時都話香港地係先敬羅衣後敬人，好似花花公子趙世曾同姚煒生嘅囡囡趙式芝（芝芝）咁，佢回流返香港創業做推廣，我Apple姐有幾次見到呢位世姪女都係着得好casual，唔識佢嘅分分鐘會有眼不識泰山。

衣着簡便
記得有一次，芝芝去尖沙嘴為一個化妝品牌嘅修身產品做宣傳，佢一臉病容，加上一件普通到唔恨嘅粉紅T恤配牛仔褲，十足十市民咁，連保安都唔俾佢入場，好彩當日個公關眼利，帶芝芝入場。
重有一次我Apple姐去睇首映，見芝芝着CKT恤加埋個背囊，大會攝影師行過佢身邊幾次，都唔知佢係嘉賓。