麗星郵輪主席拿督林國泰噚日向八方吐苦水，佢話最近救咗人反而被人告。事緣上月二號，麗星旗下一隻叫「挪威之星」嘅郵輪喺夏威夷附近，發現一艘拋錨兩星期嘅補給船，急急救起船上十一名亞洲人。呢件原本係好事，但因為挪威之星當時正載住旅客到另一個夏威夷島嶼度假，救人之後，隻船當然要先折返夏威夷送傷者去醫院，結果誤咗行程，有旅客竟然因此控告麗星，話船長嘅決定影響佢哋去「梳乎」。
咁都未止，由於船長救人時，漏咗一隻狗喺補給船上，惹起美國人權組織不滿，鬧船長見狗不救，呢個船長都算當黑。好彩，事件曝光後，人權組織搵到20萬美元尋犬，最後又搵得番，隻狗𠵱家已經喺美國落籍咯！
傳真︰2623-9278
電郵︰