鏗鏘集發出通緝令？噚日八方收到有人寄嚟嘅九張相，無名無姓無資料，淨係話急須會晤呢幾位人士，問真啲原來港台鏗鏘集就快二十五歲生日，六月十六號就會播出第一千集，呢啲相係配合呢集嘅特別噱頭。
話說第一千集會加長半個鐘，一小時內會盡量走訪當年喺節目裏面嘅主角。𠵱家已經搵到七位，早至八三年嘅人物到時都會現身同大家敍吓舊。另外重積極搵緊九位失咗聯絡嘅老朋友，當年嘅相可以講係唯一線索。因為呢集主題係「成長」，佢哋十幾廿年前都係青春少艾，今日大概三十歲，大家如果有頭緒，就記得去向港台「舉報」或者「自首」。
傳真︰2623-9278
電郵︰