吳君如和廖碧兒昨日為陳妙瑛的「LF完美配方」健康食品宣傳。廖碧兒着上性感小背心，露出小蠻腰，十分搶鏡。穿着性感低胸裙的吳君如坦言有不少男同事問她拿折頭，買豐胸丸給女友豐胸。
陳妙瑛昨日聯同吳君如及廖碧兒，到沙田新城市廣場的莎莎化妝品店及屈臣氏，為「LF完美女人」健康食品做巡迴記者會。
三位靚女昨日都悉心打扮，穿上性感服飾，陳妙瑛穿上露肩連身裙，君如着了一條類似瑪麗蓮夢露式的經典低胸裙，廖碧兒則最省鏡，她穿着性感小背心露出小蠻腰，現場吸引過百途人圍觀。
君如表示十分滿意自己豐胸後的身材，不過她卻有點後悔接拍了有關廣告，她說：「我公司啲男同事睇完我輯相之後，個個都問我攞折頭，話要買畀女朋友食，反而只得兩個女同事要。我發覺呢個世界啲男人都係咁現實㗎！」
君如更指男友陳可辛沒有介意她拍那輯性感照，她說：「佢有一日睇完《鬥氣一族》之後打電話畀我，佢話我嗰陣時好可愛，就算我變番咁肥佢都唔會介意。」
此外，陳妙瑛透露君如的酬勞高達六位數字，她說：「佢話晒都係影后級人馬，佢有佢嘅身價，但係君如都冇收足我呢個價。其實我已經花咗成兩個月時間去游說佢，因為君如份人唔會隨便試食呢類產品，所以我要攞晒所有醫學證明畀佢睇，佢先至肯試。」
採訪：李珮洳 攝影：陳烱威