唔少行家噚日收到風，話謝霆鋒頂包案有新發展，成班人即時衝去廉署總部執行處所在嘅美利道多層停車場擺位。喺呢個時候竟然見到警務處前處長李君夏喺附近出現，大家同佢打招呼，問李生嚟做乜？點知佢唔瞅唔睬直行直過，入去停車場繳費處，轉過頭坐電梯上咗四樓停車場，跟住開佢架綠色平治絕塵而去。八方事後打電話問李Sir，點知佢答得鬼咁幽默：「你哋啲人喺街撞到我，我做乜，干卿底事，無聊嘅嘢我唔講！」就咁收線。
（圖）李君夏喺廉署總部執行處所在嘅美利道多層停車場出現。
傳真︰2623-9278
電郵︰