素來亞Mark對促進香港經濟，真係不遺餘力㗎！每有收到車市超值抵買嘅新消息，定必第一時間跟車迷分享，而剛啱就有單堅料，話寶馬代理推出咗全新520iA四門ExecutiveEdition特別版；原先換裝16吋合金軨同泊車感應器，合計要成40萬車價嘅520iA，𠵱家一減只係賣33萬8千！足足平咗成6萬2千蚊！但就有齊FullyOption嘅裝備，包括5前速Steptronic半自動波、全真皮座椅連前排電控功能、前後10個安全氣袋及充氣簾幕，另外重有多功能真皮軚環、電天窗，還有ASC+T嘅電子循迹裝置。以日本中型轎車嘅價錢，就可以擁有一部德國製嘅高級轎車，又真係好超值㗎！據聞代理為吸引買家，重同時推出5%車價嘅出車優惠，由於呢款520iAExecutiveEdition特別版只得一百部，要買就真係趁快喇！