政府不斷鼓勵港人北上尋找工作，中文大學舉辦「中國就業發展獎勵計劃」中，有3名學生選擇到美聯廣州總部及分行實習，為期個多月，響每個支援部門實習、觀察買賣過程、學習推銷技巧、市場調查研究、參觀區內新盤、認識內地法律及按揭等，每日重要寫報告返香港。
內地房地產日見規範，呢幾個學生學定內地代理樓盤嘅知識同技巧，日後食正個勢，就前途同「錢」途無限。
本港發展商響內地嘅土地儲備，新世界屬下嘅新世界中國認咗第二，睇怕都冇第二間敢認第一，皆因新中土儲超過兩億方呎。蘭西收到新中最新刊物，內容重點介紹武漢樓盤，規模最大係常青花園，總面積達3875萬方呎，總投資60億人民幣。現時新中響內地好多個城市都有樓賣緊，差唔多成30個，因來港展銷嘅盤唔多，所以大家冇為意。
蘭西