譚小環昨日往灣仔中藝分店，為該店開幕典禮舉行的新式唐裝配首飾時裝展任客席女模。伊人身穿大紅off-shoulder長裙，示範全場最貴首飾、全套達二百八十萬元的翡翠首飾，事後頻呼好驚。
譚小環昨日率領眾模特兒，在灣仔中藝分店行天橋。灣仔中藝重新裝修後昨日舉行開幕典禮，同場加演新式唐裝和珠寶首飾show。
譚小環以嘉賓模特兒身份，穿着一件火紅off-shoulder長裙，配襯全場最貴、一套高達二百八十萬元的翡翠首飾，她甫出場，台下掌聲如雷。
完場後譚小環難掩興奮心情，她說：「我咁大個女未戴過咁名貴嘅首飾，頭先行show都好驚會揩花套首飾。」
譚小環續說：「我戴過最貴重嘅係參選港姐時收到嗰套，值六十萬元，平時我都係放喺保險箱，唔敢戴出街，間中打開睇幾眼都好滿足。」
譚小環又透露今次行show酬勞達五位數字，但可近距離接觸名貴翡翠首飾令她大開眼界，更觸發她愛玉之心，她笑言：「以前買首飾都只係考慮鑽石，唔知玉都係咁珍貴，𠵱家我先知一條翡翠頸鏈夠買一層樓，我要狂儲錢先買到其中一粒，所以我決定呼籲我啲女朋友同埋想追我嘅男性，送禮物畀我最好送翡翠，哈哈！」
提及前男友、排舞師Sunny有新女友，譚小環揚言已甚少與對方聯絡，所以她不知詳情，但大方祝福對方。
採訪：CamelLok、JessicaNgan、DebbieLum
攝影：MatthewLam、WongManShing