一年一度端午節快到，蘋果日報慈善基金接獲十四間機構申請贊助約二萬隻糭子，現特展開「蘋果愛心糭子2OO2」募捐行動，盼善長有錢出錢、有力出力，除捐款購買糭子，亦可響應行動親手裹糭送贈，好讓社會上一眾孤寡老弱能歡度這個端陽佳節。
年屆九十四歲的李婆婆，晚年與獨身的六十八歲兒子相依為命。她向記者細說﹕「我做開車衫，主要車牛仔布，直到差唔多二十年前，自己一把年紀咪惟有退休；我個仔就不嬲做整梳化工作，前排啲工廠搬晒上大陸，佢至唔做，同我靠積蓄維持家計。」
白髮蒼蒼的李婆婆興歎謂，為怕積蓄快耗盡，兩口子的生活一向省吃儉用。「我乜嘢糭都鍾意食，細個喺鄉下重識得包啲地道四角糭，𠵱家環境差，所以唔會自己包糭同買嚟食。所以，如果遲啲你哋有一、兩隻糭畀我過節，我就好歡喜囉。」
李婆婆原籍廣東新會，離鄉逾大半世紀，晚年飽受風濕病折騰，苦不堪言。「我兩邊膊頭同手臂經常痠軟，對腳踭就好多時痛到行兩步路都唔得，要靠打針食藥止痛。我又要用柺杖慢慢行路，所以平日最多只能夠落樓下社區中心同人傾偈，同埋參加中心啲活動趁吓熱鬧。」
另一位年過八旬貧苦長者林伯，無親無故，獨居黃大仙區公屋單位。他祥和地表示﹕「舊年同前年端午節都係多得社工上門送隻糭畀我，我靠綜援生活，要慳得就慳，唔會自己花錢買糭過節囉。」
林伯年輕時隻身從潮州來港謀生，多年來先後從事地盤工人及大厦看更，刻苦耐勞；約十年前，因患上糖尿病和心臟病，林伯才被迫退休，靠領取政府綜援金維持生計。
除李婆婆和林伯外，社會上還有無數孤苦無依的長者，往往要節衣縮食，有些甚至多年來無緣品嘗一口糭子，在中國傳統節日倍感寂寞淒涼。為關顧一眾弱老的需要，蘋果基金現正接受讀者捐款買糭，集腋成裘，資助多間非牟利社會服務機構（見表）舉行端陽贈糭活動，讓長者感受到社會人士的關懷和敬愛。
捐款編號：A980
暖流熱線
電話：29908688
傳真：23702192
電郵：
網址：