陳法蓉（Monica）早前與呂頌賢一同在香港考得潛水教練牌，Monica表示她第一個學生將會是黃日華，而呂頌賢則會先教黃伊汶及譚俊彥。
Monica日前說：「我考到牌後都眼濕濕想喊呀，好開心，當初教練話我有潛質，繼續學可以考埋教練牌，跟住我啲朋友話我係香港小姐實畀我合格喎！到我考嗰陣，雖然主考嘅係兩個外籍男士，但我都高分畢業，證明唔關係咪港姐事。」
Monica表示，本來朱茵、蔡少芬及梁小冰等好友會是她的首批學生，但因三人有工作在身，最後改教黃日華。至於收費問題，呂頌賢說：「唔收錢唔得，咁咪侮辱咗潛水行業，得來太易嘅話，佢哋唔會珍惜。」