容祖兒（Joey）將在電影《魂魄唔齊》中，與陳奕迅粉墨登場大唱折子戲《樓台會》，日前Joey便專程前往廣州，隨紅線女（女姐）學藝一小時，Joey在女姐面前初試啼聲唱大戲，雖然女姐批評她縮膊兼周身郁，但Joey誓言必定會唱好。 記者朱芷瑩廣州直擊
容祖兒（Joey）和陳奕迅（Eason）在下月底開拍的電影《魂魄唔齊》中，將扮演小生花旦，粉墨登場大唱查篤撐，Eason稍後會隨文千歲學粵劇，而Joey在英皇高層吳雨穿針引線下，日前已往廣州隨名伶紅線女（女姐）學藝，初會女姐的Joey更在對方面前膽怯怯初試啼聲。
Joey在試唱《樓台會》時，因運氣不禁周身郁，而女姐一直在旁指點及細心聆聽，她向Joey教路說：「你未放晒聲音出嚟，你唔好縮膊同郁嚟郁去，會好難睇。」女姐又教Joey要張大嘴巴放聲和咬字，故她便擘大口唱，女姐見狀笑說：「又唔使擘得咁大，出台咁就弊。」
Joey其後向女姐說：「我覺得自己唔係粵劇聲，係作狀聲。」不過女姐稱讚Joey聲底不錯，女姐說：「佢好年輕，但對粵曲唔係好熟，如果可以放膽唱就好啦！佢咁有成就，觀眾對佢嘅認識重多過我啦！」
祖兒唱粵曲雖然畀心機，但都唱得頗辛苦，她說：「係有難度，但幾好玩，唱粵曲嘅時候，唔知自己啲聲應該喺邊度發出嚟，口又唔係、肺又唔係，對住女姐，唱歌都有壓力㗎，見到佢會肅然起敬，你知我唱歌郁身郁勢，我諗遲吓學造手都會好難，我成個男人咁，但做到會幾好，會畀人知我係一個女人。」