早前收到大懶Jack電話，話想買部「細蚊子」6618玩吓，王子二話不說立即畀個靚價佢，行水叫佢自行決定。點知無耐Jack哥來電訴苦，話王子介紹咗部「筍嘢」畀佢，久不久就Hang機，㩒㩒吓重Off埋㖭！以王子經驗，立即叫佢㩒「*#06#」，點知嘢都未講完就即刻俾佢老哥噴番轉頭，重話CheckIMEI把鬼咩！
咁又唔係喎Jack哥，其實當你睇到IMEI後，再按「資訊」鍵，就可Check到手機Version，若果是「05」新版就相安無事啦，如果好彩係「01」嘅話就恭喜晒嘞，閣下又有機會到灣仔維修中心探吓啲靚女。皆因若是Version01，當用者按功能表後，選擇「電子秘書」再按「商務助理」，㩒埋選擇「日曆」後，就會自動熄機。買咗行貨嘅朋友，攞返去Upgrade啦，免費㗎！