睇牌面狂牛、FunkyBrothers同鐵籠小球王嘅人腳實力，要喺「Nike神秘聯賽超級球星組」八支球伍中脫穎而出，可能有難度，但三隊勝在各有擅長絕技，可能會爆冷呢！
經驗老到信心爆棚
隊員：梁志榮、招重文、李思明
口號：贏幾粒得，贏幾十粒亦得
戰術思想：信心爆棚、可靠、進取
絕密情報：招重文一心一意的小型足球是──穩守突擊。後場有梁志榮，前場則有李思明，很接近招重文的想法。
簡介：以老帶新，既有腳法，也有經驗，更重要是擅長踢小型足球，以招重文作為核心，負責策劃穩守突擊戰術。後場有梁志榮，再配合李思明，睇怕「森巴火燄唔易喺首圈過關。」
招重文：「踢三人賽最緊要講識唔識踢小型球，唔係淨係講人腳實力；我哋應該有啲機會入到四強。」
踢法機動有默契
隊員：馮嘉奇、林曉峰、潘文俊
口號：Whowantstogetfunkedup?
戰術：扮型玩Gimmick、大無畏、Funky
絕密情報：合作純熟，踢法機動，又最有Funky的風格。
簡介：前奧運隊隊員所組成的兄弟兵，默契好到不得了，年前在奧運外圍賽作客對日本奧運隊也能一拼；今次首圈對「狂牛」根本唔使驚，只係林曉峰受傷，未知可唔可以趕及候命，但佢哋必要時學「狂牛」咁，將林曉峰封住龍門，問你點入波？
馮嘉奇：「今次難得可以喺一齊作戰，肯定唔保留。講真，我哋嘅人腳肯定俾人睇低啲，其實咁重好踢，正所謂冇壓力好玩到極。為咗唔想一出場就輸，可能會抄狂牛，搵個人守住龍門，睇吓可唔可以踢耐啲。」
反常強攻一個不留
隊員：陳志康、陳家麒、鍾健希
口號：同狂牛玩，你一定死硬
戰術思想：飄忽、用腦、反常
球隊絕密情報：恍如狂牛般，強攻對手。狂牛首戰火併FunkyBrothers時將全身火紅上陣，這樣巧合，點會唔轟烈。
簡介：由本地甲組聯賽三強所組成的「狂牛」，愉園翼鋒陳志康踢法刁鑽係人都知；晨曦守衞鍾健希破壞力強；再加上能棄手用足的南華門神陳家麒，實在唔能夠睇少。如果陳家麒把心一橫完全唔進攻，封住龍門，以佢嘅體形同身手，其他球隊想入波都好難。
陳志康：「咁細嘅環境，一球過定輸贏，真係多少要講運。睇番我哋人腳，要連過三關可能難些少，所以要諗諗計。如果陳家麒守住個龍門仔，加埋鍾健希喺後場專心防守，我就喺前面搵機會，呢招真係可能使得。」