任達華日前被傳在珠海遭綁架，而同是明星足球隊成員的羅家英，日前證實有成員在內地被綁架，任達華昨日不滿地表示若羅家英知情，應向珠海公安提供資料。
任達華日前在珠海失蹤，有傳他被綁架，前晚他從上海回港，並否認有關傳聞，但在機場所見，任達華的額頭中央留有一塊約三厘米已結痂的傷痕，他解釋是「面油」。
昨日有報道指羅家英親口證實有明星足球隊成員在內地被綁架，對於此番言論，任達華似乎有點不滿，他昨日外出理髮及健身其間，接受記者訪問，更直言叫羅家英聯絡珠海公安。
任達華勞氣地說：「你哋問番家英哥，既然佢知道，叫佢同珠海公安講，叫佢盡自己義務、公民嘅責任聯絡珠海公安。我唔會怪佢，根本就冇呢件事，我真係冇嘢，亦唔會打畀家英哥。」任達華還動手撥開頭髮讓記者再三檢查，他說：「我頭上嗰啲係面油，人旺先至有面油。」
任達華續道：「我下個月會去深圳出席朋友間舖頭開張，我唔怕，其實內地治安好好，除非夜麻麻去街，我就唔會嘞。」
任達華昨日健身後便回家，其後他的太太琦琦亦回來，她說：「佢遲啲去內地工作，我都唔擔心，我都成日飛嚟飛去。」
記者昨日致電羅家英，他否認曾向報章證實有明星足球隊成員在內地被綁架，羅家英說：「我都唔係咁講，亦冇證實，就算知都唔可以講係邊個。我知件事令任達華好嬲，下次見到會講sorry。」