社會工作者註冊局註冊主任梁瑞強噚日傳真嚟，指本報本月18日法庭版報道一名社工系學生牽涉嘅偷拍案，文中指被告曾擔任「兼職社工」。梁先生話只有註冊社工至可以叫作「社工」和「社會工作者」，兼職者係冇註冊。
多謝梁先生提點，我們以後會留意兩者的分別。
讀者鍾小姐打電話嚟，話今個星期一份副刊E10版介紹巴士動感藝廊的巴士路線資料錯咗，查實確係記者一時手快，將「680」打錯為「608」，如果因為呢個錯令各位造成不便，真係唔好意思。
呢個專欄希望成為本報與讀者、廣告客戶之間溝通的橋樑，歡迎報料。
電話：27860099
傳真：23703283
電郵：