近日形象愈來愈性感迷人的宣萱，九六年與中信泰富主席榮智健的姪兒榮文瀚墮愛河，但近年二人因發展事業而聚少離多，早前終於在和平氣氛下，為這段六年情畫上休止符。昨日，宣萱親口承認已與榮文瀚分手。
現年三十歲的宣萱與中信泰富集團主席榮智健的姪兒榮文瀚，九六年在好友安排下，在一次卡拉OK聚會中相睇，二人一拍即合並發展戀情，但一直保持低調。
前年宣萱曾發表恨嫁宣言，可惜近年二人因各自致力發展事業，聚少離多，令戀情逐漸轉淡，故早前雙方便在和平氣氛下協議分手。
昨日記者致電宣萱，求證她與榮文瀚的戀情是否已告終，宣萱直認不諱說：「係，我哋係分咗手，我哋拍咗拖幾年，一路以嚟都各有各忙，大家真正相處嘅時間好少，亦好少見面，所以我嘅拍拖感覺唔強。又當你諗諗自己年紀嘅時候，就會問自己呢段感情重可唔可以發展落去，唔得嘅話就唔好拖，況且我哋嘅性格好唔同，呢個都係一個問題嚟嘅。」
榮文瀚身為榮智健家族成員，未知二人分手會否關乎豪門壓力？宣萱說：「呢樣嘢係零，佢屋企人對我好好，分手係我同佢兩個人之間嘅問題，同佢屋企、第三者完全冇關，所以我哋分咗手都重可以繼續做朋友。」不過，宣萱堅拒透露由誰先提出分手，她說：「邊個提出唔重要，我哋有一齊傾過，大家都覺得做番朋友會好啲。」
而對於與宣萱分手一事，榮文瀚昨日透過電話表示：「我同Jessica（宣萱）係分咗手，但大家重係好朋友，拍拖係我同佢之間嘅事，我諗唔需要同你哋去交代。」
近日為Bella擔任脫毛代言人的宣萱，頻頻以性感形象亮相，愈發美麗迷人，沒想到她的感情生活卻與此成反比。
其實宣萱近年躍上無綫一姐寶座，接拍的劇集一部接一部，早前才完成四十集劇集《流金歲月》拍攝工作，日內又將為新劇《戇夫成龍》開工，確實忙個馬不停蹄。據悉榮文瀚方面則經常要飛往外地公幹，甚少時間逗留在港。一對戀人長期分隔兩地，難免濃情轉淡。
採訪：朱芷瑩