訪問期間美女裸上身搶鏡
梁家輝陪失婚曼玉吃喝玩樂

梁家輝前日在康城宣傳電影《雙瞳》，記者邀他到沙灘拍照，一名性感外籍女郎赤裸上身搶家輝鏡，場面搞笑又香豔。而家輝則表示曼玉離婚後，無特別改變。　記者何永寧、馬啟然康城直擊

電影《雙瞳》前日在康城CarltonHotel對開的沙灘舉行記者會，出席的包括梁家輝、美籍演員DavisMorse和導演陳國富。其間，有一位外籍女郎在海灘賣薄紗圍巾，並赤裸上身，只用薄紗圍着身體做生招牌，她見到記者正替梁家輝拍照，竟即時走入鏡頭範圍內搶鏡，十分搞笑。
梁家輝亦首次開腔講老友張曼玉（Maggie）和阿薩耶斯婚變一事，他說：「我冇同Maggie傾過佢離婚嘅事，自從知道呢件事（指張曼玉婚變）之後都有同佢食過飯，但離婚又唔係乜嘢好事，所以我冇提起，佢亦冇講。」

「佢心情冇乜嘢」
家輝續說：「我見佢心情冇乜嘢吖，同平時差唔多，嚟到康城亦唔覺佢情緒上有乜嘢起落，我哋都冇乜出去，多數都喺酒店聽音樂、食吓嘢咁。之前我去睇佢前夫阿薩耶斯套戲，其實唔係睇得好明，因為我嗰日好攰，又見阿薩耶斯咁忙，所以冇去到嗰晚嘅慶功宴。」

醫院拍鬼片恐怖
此外，梁家輝透露《雙》是一套懸疑鬼片，他說：「呢套戲部份喺醫院嘅實驗室取景，夜晚拍嘅時候，現場有啲人體切片好似風琴咁打開咗，合埋就會砌成一個完整嘅人，好鬼恐怖。」
而家輝與此片的美籍拍檔David原來有個共通點，他說：「戲入面講一對孖生姊妹嘅故事，咁啱我有一對孖女，原來David亦有一對孖仔，真係好巧合。」