唔使查通勝都知今日最宜開會。唔覺唔覺，電訊盈科合併已兩年，雖然負債情況已大為改善，但面對嘅問題仍十分之多。例如高層人事不斷變動，多次裁員又引致內部士氣不振，最重要係：股價長期喺兩蚊水平徘徊，點樣向小股東交代？
電盈今日會喺總部開股東大會，到時小小超李澤楷會親自解答股東提問，但唔知小股民會唔會好似舊年咁質問佢點解股價無起色。一如去年，八方及一眾記者唔畀入股東會會場，但電盈就喺太古坊商戶會所Butterfield開間房，畀記者睇會議轉播，完咗之後小小超會同記者見面（舊年就冇）。不過都唔會問得好耐，事關佢老竇李超人嘅長和系亦揀咗今日舉行股東會，一眾記者採訪完電盈就要飛過對面海紅磡見李嘉誠。
傳真︰2623-9278
電郵︰