訴苦Sam波多黎各「科士」入重貨，難免損手，半夜搵人出嚟訴苦。可能黑開有條路，佢部5210擺喺牛仔褲袋，因為落雨甩色，成部橙色電話變咗紫色。5210個殼質地近似擦子膠，一污糟咗好難抹得甩，好多人用5210都會遇上呢個問題。
走去佐敦專門店問有冇原裝殼賣，點知店員十問九唔知，問多兩句都嫌煩，好似部電話都唔關自己公司事。訴苦Sam話可能佢只買配件，難免受店員歧視。遇上噩運重體諒別人，佢真係值得作為港人榜樣。
最後被迫去鴨寮街買翻版殼，竟然連翻版殼都斷巿，可想而知需求大。最後得先達好友相助，搵到個原裝殼，雖然係粉藍色，總好過用染色殼。
訴苦Sam話好多波鞋街Sales都愛用5210，貪佢夠有型靚仔，但唔少人都試過佢嘅遭遇，所以大家都好小心件衫有冇甩色先放個電話入袋。最奇連翻版殼都斷巿，大編輯又有好題目喇。
主持人：大食Jack
八卦熱報：