夏天最啱接觸大自然，不論係踩單車、行山抑或游水，總之各類戶外活動都等住你去玩。想平平哋買齊名牌運動產品迎接暑假，後日開始不妨去火炭入定貨。事關今次開倉有齊DIESEL、Reebok、Champion、SPEEDO及Teva等名牌，種類更由運動鞋、皮鞋、運動服裝、背囊以至泳衣泳褲都有齊，一次過掃齊包保你可以慳唔少。
記者：張穎倫
攝影：陳穎
ImageGirl：Suki
今個夏日，無論行街定去沙灘都一定要有對涼鞋相伴，但平時一對靚仔啲嘅Teva涼鞋，閒閒哋都要七百幾蚊，今次以$390開倉價發售，確係諗得過。小記覺得呢對鞋粉藍色襯白色，睇落活力十足，充滿夏日感覺，最緊要係鞋底坑紋分布平均，行沙地、石地都一樣舒服。
尺碼：7-11
貨量：30
原價：$795
開倉價：$390
如果你對自己嘅腳趾冇信心，怕着涼鞋的話，Casual嘅波鞋當然係今個夏天的好選擇。特別係呢對DIESEL波鞋，火紅色睇落夠晒搶眼，再配以灰色、紅色、黑色的三間設計，Classic味夠晒重。麖皮質料夠晒襟磨襟着，啱晒精打細算嘅朋友。
尺碼：7-11
貨量：50
原價：$590
開倉價：$220
單睇外表已極之吸引，鞋頭加上啫喱藍色膠邊，鞋側配襯銀色反光物料，夜晚穿着都夠晒型仔。再加上呢對鞋放棄咗綁帶同魔術貼嘅設計，改用橡筋扣形式，更有3種強度嘅鬆緊調校，絕對Fit晒腳形。
尺碼：7-11
貨量：100
原價：$699
開倉價：$250
今次開倉雖然大部份都以大人品牌為主，不過小朋友都一樣有着落，事關Reebok嘅小朋友系列Weebok同樣有得減。小記向你推介呢對外形極之過癮嘅涼鞋仔，深藍色襯鮮黃色，配襯夠醒目，加上單扣設計，方便媽咪幫小朋友着鞋。鞋底設計較厚，適合小朋友去沙灘時穿着。
尺碼：4-12
貨量：50
原價：$179
開倉價：$40
自從藤原浩佢老哥着對Wallabee款嘅Visim鞋影咗輯相之後，Stussy、Freshjive、I-path等大牌子都狂谷Wallabee，所以呢期冇對照照都確係幾Out。呢對SURF-SIDERS出嘅女裝麖皮Wallabee，雖然唔係新款，不過絕對係必掃之選，佢選用舒服嘅煙膠鞋底，着上腳好舒服，開倉價只係$140，絕對平到笑。
尺碼：6-9
貨量：100
原價：$499
開倉價：$140
同樣都係Champion嘅籃球波褲，以100%尼龍製造，用嚟襯番件籃球背心就最啱，灰色亦比較大路，襯其他T恤都一樣冇問題。小記提議大家不妨當作沙灘褲穿着，着條泳褲喺入面，去到海灘唔使入更衣室換衫就可以落水，啱晒懶人。
尺碼：S-L
貨量：50
原價：$199
開倉價：$60
夏天比較多雨，懶帶遮就最好着件風褸，好似呢件Reebok女裝風褸，以100%聚脂纖維製造，防水性能極佳，有帽又可以擋雨，更唔怕出入冷氣地方會冷親。風褸的衫袖位加上拉鏈設計，可以隨時拆去衫袖，變成背心，一年四季都啱着。
尺碼：S-XL
貨量：50
原價：$399
開倉價：$120
炎炎夏日，呢款美國版籃球背心就最受歡迎，全棉質料，短袖衫款散熱夠快，最啱男仔打波做運動時穿着。女孩子就鍾意佢可以Oversize，型得嚟又夠涼爽。再加上呢件衫嘅橙色睇落勁Sharp，着上去特別有活力。
尺碼：S-L
貨量：50
原價：$179
開倉價：$60
做戶外活動，帶支水、帶多件衫替換最常見，所以最好搵個細背囊放齊裝備。呢個Reebok背囊高度只有約38cm，Size細細，不論做運動抑或平時去街攜帶都冇問題。除咗有一大一小儲物格，另外更有兩個暗袋，畀你裝銀包、證件，夠晒細心。
貨量：100
原價：$179
開倉價：$60
唔少香港人都鍾意去泳池游水，但原來池水入面嘅氯氣對泳衣質料會構成損害。所以呢款SPEEDO泳衣，就加入咗防氯設計，就算長時間浸喺泳池都唔怕，耐用程度是一般泳衣的20倍。再加上深色同一件頭設計，最啱精打細算嘅媽咪穿着。
尺碼：32-40
貨量：300
原價：$399
開倉價：$80
開倉資料：
太古資源有限公司（23106774）
地址：火炭禾穗街15-29號百適二倉12樓（火炭火車站D出口）
日期：
5月25日及6月1日（星期六）：12:00noon-7:00pm
5月26日及6月2日（星期日）：12:00noon-6:00pm
5月31日（星期五）：5:30pm-7:30pm
＊只接受現金付款