八方身為打工仔，噚日睇見四月份嘅失業率進一步升到百分之七點一，雖說這是滯後數字，就業市場現已有所好轉，但心情總唔好過。不過，有啲高級打工仔其實仍然有理想收入，例如滙豐銀行兩名最高級「打工仔」：主席艾爾敦及總經理柯清輝上周三就獲公司送贈股票，其中「歌王」艾爾敦獲得九千一百七十六股，「輝哥」也有五千七百二十九股。以滙豐每股九十六元計，「歌王」身家即時多了八十八萬元，「輝哥」亦多了五十五萬元。
點解佢地咁叻有股份分？皆因滙豐兩年前搞咗一個「有限制股份計劃」，簡單講，只要管理的業務表現較預定目標好，就有股份收，同花紅類似。由此可見，兩位仁兄過去兩年的表現一定好好，至於其他滙豐管理層，亦有得分。
傳真︰2623-9278
電郵︰