廣告界新寵黃寶瑤（Debbie）早前與郭富城合作「無限美」洗頭水廣告後，即時人氣急升，廣告合約接踵而來，由護膚品、朱古力到電腦產品都有，檔期排得密麻麻。
Debbie坦言屬易肥一族，所以做運動keepfit絕不敢偷懶，她昨日在電話訪問中說：「我最忍唔到口就係香噴噴嘅法國包同意大利粉，食親都停唔到，所以一定要勤做運動先keep到。我每個星期都去健身室跑步三、四次，每次半小時。有時都喺會所游水，不過泳術就麻麻哋，通常都着一件頭泳衣，如果心情靚就着三點式，睇心情啦！」
問Debbie最想與那位男藝人合作？她不假思索地說：「周杰倫！如果有機會，我最想同周杰倫拍廣告，雖然我未見過佢真人，但我覺得佢好有才華，好叻，最重要係有性格。」